สถานที่ในอาเซียน

รูปภาพของ sss28945

 

              

 

   ວັດຊຽງທອງ​ສ້າງ​ຂຶ້ນ​ເມື່ອ​ປີ ຄ.ສ 1559-1560 ຄື​ກ່ອນ​ໄລຍະ​ເວລາ​ທີ່​ພະ​ເຈົ້າ​ໄຊ​ຍະ​ເສດ​ຖາ​ທິລາດ​ ຍ້າຍ​ນະຄອນຫຼວງຈາກຫຼວງພະ​ບາງ ລົງ​​ໄປ​ສ້າງ​ເມືອງ​ວຽງຈັນ​ເປັນ​ນະຄອນຫຼວງຂອງອານາ​ຈັກ​ລ້ານ​ຊ້າງ.

   ດ​ນີ້​ຕັ້ງ​ຢູ່​ແຄມ​ຝັ່ງ​ແມ່​ນ້ຳຂອງ​ໄກ​ຈາກ​ນ້ຳ​ຄານ​ມາ​ທາງ​ເບື້ອງ​ໃຕ້ປະມານ 300 ​ແມັດ ​ເປັນ​ວັດ​ທີ່​ໃຫຍ່ ​ແລະ ສວຍ​ງາມ​ກ່ວາ​ວັດ​ອື່ນໆ ຢູ່​ເມືອງ​ຫຼວງ​ພະ​ບາງ​ໄດ້​ຮັບ​ການ​ອຸປະຖຳ​ເບິ່ງ​ແຍງ​ຈາກ​ພະ​ເຈົ້າ​ມະຫາ​ຊີວິດສີສະ​ຫວ່າງ​ວົງ ​ແລະ ​ເຈົ້າສີສະ​ຫວ່າງ​ວັດ​ທະນາ​ເປັນ​ພິ​ເສດ. ຢູ່​ບໍລິ​ເວນ​ວັດຊຽງທອງ​ນີ້ມີ​ສິ່ງ​ກໍ່ສ້າງ​ທີ່​ສຳຄັນຫຼາຍອັນ​ຄື:

    1. ພຸດທະ​ສີມາ ເຊິ່ງມີ​ໂຄງ​ສ້າງ​ເຕ້ຍ ​ແລະ ຫຼັງຄາ​ຊ້ອນ​ທັບ​ກັນ​ສາມ​ຖ້ານຫຼຸດລື່ນ​ກັນ​ມີລັກສະ​ນະ​ສວຍ​ງາມ​ທີ່​ສຸດ ​ເປັນ​ສະຖາປັດຕະຍະກຳ​ສິນ​ແບບ​ລາວ​ແທ້ໆ ​ເພາະ​ບານ​ສິມ​ນັ້ນ​ຄວັດ ​ແລະ ແກະ ​​ສະ​ລັກ​ແບບ​ສະກຸນ​ຊ່າງ​ສິລະ​ປະດຽວກັນ​ກັບ​ປະຕູ​ສີມາ​ວັດ​ວິ​ຊຸນ. ພຸດທະ​ສິມາ​ນີ້ມີ​ການ​ບູລະນະ​ໃໝ່​ໃນ​ປີ ຄ.ສ 1928 ​ໄດ້​ມີ​ການ​ເພີ່ມ​ສີສັນ​ດອກ​ດວງ​ໃສ່​ຕື່ມ. ຢູ່​ທາງ​ດ້ານ​ໃນ​ຂອງ​ພຸດທະ​ສີມາ​ນີ້​ເພິ່ນ​ແຕ້ມ​ຮູບ ທ້າວ​ຈັນທະ​ພານິດ, ສ່ວນທາງ​ດ້ານ​ນອກປະກອບ​ດ້ວຍ​ຮູບ​ແຕ້ມ​ເລື່ອງ ທ້າວ​ສີ​ສຸທົນ ​ແລະ ຮູບ​ແຕ້ມ​ທ້າວ​ສຸດ​ທະ​ໂສມ. ດ້ານຫຼັງຂອງ​ພຸດ​ທະ​ທະ​ສີມາ ​ແມ່ນ​ຮູ​ບຕົ້ນ ​ໂພທິ ​ເຊິ່ງ​ເປັນ​ຮູບ​ເກົ່າ​ແກ່.

    2. ຫໍ​ໄຫ​ວ້ນ້ອຍ ​ຕັ້ງຢູ່​ເບື້ອງ​ທິດຕາ​ເວັນ​ອອກ​ຕິດ​ກັບ​ພຸດທະ​ສີມາ ​ເປັນ​ຫໍ​ໄຫວ້​ເກົ່າ​ມີຫຼັງຄາ​ແບບ​ໃບ​ໂພ​ຕັດ​ເຄິ່ງ ​ເປັນ​ຮູບ​ແບບ​ຂອງ​ລາວ​ດັ້ງ​ເດີ​ມ.ສະ​ເພາະ​ບານ​ປະຕູ ​ແລະ ຕິດ​ແກ້ວ​ໂມ​ເສ​ກ ຖານ​ເບື້ອງ​ລຸ່ມ​ຂອງ​ຫໍ​ໄຫວ້​ນີ້​ແມ່ນ​ເຮັດ​ຂຶ້ນ​ໃໝ່​ເມື່ອ​ເຄິ່ງທ້າຍ​ສະຕະວັດ​ທີ 20 ນີ້​ເອງ. ຢູ່​ໃນ​ຫໍ​ໄຫ​ວ້ນີ້​ເພິ່ນ​ປະດິດ​ສະຖານ​ພະພຸດທະ​ຮູບ​ອົງໜຶ່ງປາ​ງ ຫ້າມ​ຍາດ​ເຮັດ​ດ້ວຍ​ທອງ​ເຊິ່ງພະ​ເຈົ້າ​ມະ​ມາ​ຊີວິດ​ພະ ຣາຊະ​ອານາຈັກ​ໄທ ມອບ​ໃຫ້​ແກ່​ພະ​ເຈົ້າ​ມະຫາ​ຊີວິດສີສະ​ຫວ່າງ​ວົງ.

    3. ຫໍໄຫວ້ສີກຸຫຼາບ ຕັ້ງ​ຢູ່​ທິດຕາ​ເວັນ​ອອກ​ສ່ຽງ​ໃຕ້​ຂອງ​ພຸດທະ​ສີມາ ​ແມ່ນ​ຫໍ​ໄຫວ້​ເກົ່າ​ແກ່​ໄດ້​ຮັບ​ການ​ສ້ອມ​ແປງ​ໃໝ່ ​ແລະ ຕິດ​ແກ້ວ​ໂມ​ເສກ​ໃໝ່ອ້ອມ​ດ້ານ​ນອກ ​ໂດຍ​ສາທຸ​ໃຫຍ່​ຄຳ​ມ້າວ​ເມື່ອ ຄ.ສ 1957 ​ເພື່ອ​ສະ​ເຫຼີມສະຫຼອງຄົບຮອບ 25 ພຸດ​ທະສະ​ຕະວັດ.ດ້ານ​ນອກ​ຝາ​ໄຫວ້​ມີ​ນິທານ​ ເລື່ອງ​ທ້າວ​ສຽວສະຫວາດ ​ເຊິ່ງ​ເປັນ​ວັນນະຄະດີ ຊັ້ນ​ເອກ​ຂອງ​ລາວ​ໃນ​ສະຕະວັດ​ທີ 17 ຢູ່​ໃນ​ຫໍ​ໄຫວ້​ນີ້ມີ​ພະພຸດທະ​ຮູບຫຼາຍອົງ ​ແຕ່​ທີ່​ສຳຄັນ​ກ່ວາ​ເພິ່ນ​ແມ່ນ​ພະພຸດທະ​ຮູບ​ປາງ​ໄສຍາດ (ນອນ) ຫຼື ປາງ​ປະລິ​ນິບພານ ຍາວ 2.000 ​ແມັດ ມີ​ຄຳ​ຈາລຶກ​ບອກ​ສັງກຼາດ​ໄວ້​ວ່າ​ສ້າງ​ໃນ​ປີ ຄ.ສ 1569 ​ໂດຍ​ຄຳ​ສັ່ງ​ຂອງ​ພະ​ເຈົ້າ​ໄຊ​ຍະ​ເສດ​ຖາ​ທິລາດ.

   4. ຫໍ​ໄຫວ້ຫຼັງ​ໃຫຍ່​ ຕັ້ງ​ຢູ່​ທາງ​ເບື້ອງຫຼັງຂອງ​ພຸ​ດທະ​ສີມາ ​ແມ່ນ​ຫໍ​ໄຫວ້​ເກົ່າ​ແກ່​ບູລະນະ​ຂຶ້ນ​ໃໝ່ ພອກ​ຄຳ​ສວຍ​ງາມ ຮູບຄວັດ​ແກະ​ສະ​ລັກ​ໃສ່​ແຂນ​ທາງ ​ແລະ ບ່ອນ​ອື່ນໆ. ນັ້ນ​ແມ່ນ​ເຮັດ​ຂຶ້ນ​ໃໝ່ຊຸມ​ປີ 1973-1974 ສະກຸນ​ຊ່າງ​ພໍ່​ເຖົ້າ​ທິດ​ຕັນ ປະຈຳ​ສຳນັກ​ພະຣາຊະ​ວັງຂອງ​ເຈົ້າ​ມະຫາ​ຊີວິດຫຼວງພະ​ບາງ. ຫໍ​ໄຫວ້​ນີ້​ໄດ້​ປະ​ດິດສະຖານ​ພະ​ມານ ​ເຊິ່ງ​ແມ່ນ​ເທວະ​ຮູບ​ແບບໜຶ່ງທີ່​ຊາວຫຼວງພະ​ບາງ​ນັບຖື ​ເຂົ້າ​ໃຈ​ວ່າ​ແມ່ນ​ປະ​ເພນີ​ຂອງ​ພວກ​ພະມ້າ ສະ​ໄໝພະມ້າ​ມີ​ອິດ​ທິພົນ​ຢູ່​ດິນ​ແດນ​ລ້ານ​ຊ້າງ​ໄລຍະໜຶ່ງ​ເຄິ່ງທ້າຍສະຕະວັດ​ທີ 16.

   5. ຫໍ​ກອງ ຕັ້ງ​ຢູ່​ທາງ​ດ້ານໜ້າຂອງ​ພຸດທະ​ສີມາ ​ແມ່ນ​ຫໍ​ກອງ​ທີ່​ສ້າງ​ຂຶ້ນ​ໃໝ່​ໃນ​ປີ ຄ.ສ 1960 ນາຍ​ຊ່າງ​ເຮັດ​ໄດ້​ດີ​ທີ່​ສຸດ ມີ​ລັກສະນະ​ແບບ​ລາວ​ແທ້ໆ ພື້ນ​ສູງ​ຈາກ​ດິນ​ປະມານ 0.50 ​ແມັດ​ເທົ່າ​ນັ້ນ, ​ເສົາ​ກົມ​ພອກ​ດ້ວຍ​ດອກ​ດວງ​ຕ່າງໆ. ຫຼັງຄາ​ຊັ້ນ​ດຽວ​ແຕ່​ອ່ອນ​ຊ້ອຍ​ງົດ​ງາມ, ມີ​ແຂນນາງ​ຄວັດ​ແກະສະລັກ ​ແລະ ສີໜ້າມີ​ຮູບ​ສ້ອຍ​ສາ​ແກະ​ສະ​ລັກ​ສວຍ​ງາມ.ຫໍ​ກອງ​ນີ້​ຖື​ໄດ້​ວ່າ ​ເປັນ​ສະກຸນ​ຊ່າງ​ສີ​ລະ​ປະ​ສະຖາປັດຕະຍະ ກຳ​ສິນ ຂະຫຍາຍຕົວ​ສະ​ໄໝລ່າ​ສຸດ​ຂອງ​ສະຕະວັດ​ທີ 20 ນີ້.

   6. ໂຮງ​ມ້ຽນລາຊະ​ລົດ​ແກ່​ພະ​ເມມ​ສົບ​ພະ​ເຈົ້າ​ມະຫາ​ຊີວິ​ດສີສະ​ຫວ່າງ​ວົງ ສ້າງ​ເມື່ອ​ປີ ຄ.ສ 1962 ​ເຊິ່ງ​ເພິ່ນ​ໄດ້​ສິ້ນ​ພະ​ຊົນ ປີ ຄ.ສ 1959.​ ໂຮງ​ນີ້​ບໍ່ພຽງ​ແຕ່​ເປັນ​ບ່ອນ​ເກັບ​ມ້ຽນລາຊະ​ລົດ​ແກ່​ພະ​ເມມ​ສົບ (​​ໂກດ) ຂອງ​ພະ​ເຈົ້າ​ມະຫາ​ຊີວິດ​ສີສະ​ຫວ່າງ​ວົງ​ເທົ່າ​ນັ້ນ​ແຕ່​ຍັງ​ໄດ້​ເປັນ​ພິພິທະ​ພັນ​ເຕົ້າ​ໂຮມມໍ ລ​ະດົກ​ທາງ​ພຸດທະ​ສ​າສະໜາອີກ​ດ້ວຍ​ເຊັ່ນ: ພະພຸດທະ​ຮູບ​ໄມ້​ປາງ​ຂໍ​ຝົນ ​ແລະ ປາງ​ຫ້າມ​ຍາດ​ເປັນຈໍາ​ນວນຫຼາຍ​ໂດຍ​ສະ​ເພາະ ສ້າງ​ເມື່ອ​ທ້າຍ​ສະຕະວັດ​ທີ 18 ​ແລະ ຕົ້ນ​ສະຕະວັດ​ທີ 19 ​ແຫ່ງ ຄ.ສ ນອກ​ນີ້​ຍັງ​ມີ​ວັດຖຸ​ສີ​ລະ​ປະ​ເປັນ​ຈຳນວນຫຼາຍທີ່​ຖື​ກ​ເກັບ​ມ້ຽນ​ໄວ້​ທີ່​ນີ້.​ ໂຮງ​ເກັບ​ມ້ຽນພະ​ໂກດ​ນີ້ປະດັບດ້ວຍຮູບຄວັດ​ແກະ​ສະ​ລັກ​ເລື່ອງ​ລາມາ​ຍະ​ນະ​ເຊັ່ນ: ຮູບ​ນາງ​ສີດາ​ລຸຍ​ໄຟ ​ເປັນ​ຕົ້ນ. ດ້ານ​ນອກພອ​ກຄຳ​ສວຍ​ງາມ ອອກ​ແບບ​ໂດຍ​ເຈົ້າ​ມະນີ​ວົງ ຄວັດ​ແກະ​ສະ​ລັກ​ໂດຍ​ນາຍ​ຊ່າງ​ຊາວຫຼວງພະ​ບາງຫຼາຍຄົນ ​ແຕ່​ຢູ່​ພາຍ​ໃຕ້​ການ​ຮັບຜິດຊອບ​ຊີ້​ນຳ​ຂອງ​ພໍ່​ເຖົ້າ​ທິດ​ຕັນຜູ້​ເປັນ​ຊ່າງ​ໃຫຍ່​ປະຈຳ​ພະຣາຊະ​ວັງ​ພະ​ເຈົ້າ​ມະຫາ​ຊີ​ວິດ.

   7. ກຸ​ຕິ (ກະດີ)​ ເປັນ​ບ່ອນ​ທີ່​ພະສົງ​ສາມະ​ເນນ​ຢູ່​ອາ​ໄສມີຫຼາຍຫຼັງ ​ແຕ່​ທີ່​ສຳຄັນ​ແມ່ນຫຼັງໃຫຍ່ຍົກພື້ນ ແລະ ຫຼັງຄາເປັນແຝດສອງຫຼັງ ເຊິ່ງເປັນແບບເຮືອນລາວມາຕັ້ງແຕ່ເດີມເປັນກຸຕິປູແປ້ນ ມຸງດິນຂໍ ຄິດ​ວ່າ​ສ້າງ​ຂຶ້ນ​​ເມື່ອ​ຕົ້ນ​ສະຕະວັດ​ທີ 20 ​ແຕ່​ມີ​ການ​ບູລະນະ​ສ້ອມ​ແປງຫຼາຍ​ເທື່ອ​ມາ​ແລ້ວ.

   8. ຊຸ້ມ​ປະຕູ​ໃຫຍ່​ທາງ​ເຂົ້າ​ວັດ ​ແລະ ກຳ​ແພງ​ອ້ອມ​ວັດ ​ເຊິ່ງ​ເປັນ​ສິ່ງ​ກໍ່ສ້າງ​ເກົ່າ​ແກ່​ຂອງສະຕະ​​ວັດ​ທີ 16 ສະ​ເພາະ​ຊຸ້ມ​ປະຕູ​ໃຫຍ່ ມີ​ການ​ບູລະນະ​ໃໝ່ ​ແຕ່​ຮັກສາ​ໂຄງ​ສ້າງ​ເດີມ​ໄວ້​ໄດ້​ດີ​ທຸກ​ສ່ວນ.ດັ່ງ​ນັ້ນ ສາມາດ​ເວົ້າ​ໄດ້​ວ່າ ວັດຊຽງທອງ​ແຫ່ງ​ດຽວ​ເທົາ​ນັ້ນ ຢູ່​ເມືອງຫຼວງພະ​ບາງ​ທີ່​ຮັກສາ​ສິ່ງ​ກໍ່ສ້າງ​ດັ້ງ​ເດີມ​ໄວ້​ໄດ້​ຕັ້ງ​ແຕ່​ສະຕະວັດ​ທີ 16​ ເຖິງ​ສະຕະວັດ​ທີ 20 ​ເຊິ່ງສະ​ແດງ​ໃຫ້​ເຫັນ​ຄວາມ​ປານີດ​ທາງ​ດ້ານ​ສິນລະປະ​ທີ່​ແຕກ​ຕ່າງ​ກັນ​ຂອງ​ຍຸກ​ສະ​ໄໝ. ຫຼືອີກປະຫວັດໜຶ່ງວ່າ...ວັດ ​ຊຽງ​ທອງເປັນ​ວັດ​ທີ່​ເກົ່າ​ແກ່​ ແລະ ​ສວຍ​ງາມ​ກວ່າວັດ​ອື່ນໆໃນ​ຫລວງ​ພະ​ບາງ, ​ເປັນ​ວັດ​ທີ່​ພະ​ເຈົ້າຊີວິດ​ໃນ​ເມື່ອ​ກ່ອນຖື​ເປັນ​ວັດ​ປະຕູ​ດ່ານ ​ແລະ ​ເອົາ​ໃຈ​ໃສ່​ຖະນຸບໍາລຸງ​ເປັນ​ພິ​ເສດ. ທີ່​ຖື​ວ່າ​ເປັນ​ປະຕູ​ດ່ານ​ກໍ​ຍ້ອນ​ວ່າການ​ຄົມມະ​ນາ​ຄົມ​ສ່ວນ​ໃຫຍ່​ແມ່ນ​ໃຊ້ ​ທາງນໍ້າ, ສະນັ້ນ​ ເວລາ​ມີ​ແຂກ​ບ້ານ​ແຂກ​ເມື​ອງມາ​ຮອດ​ ຫລື​ ອອກ​ໄປ​ກໍ​ຕ້ອງ​ຂຶ້ນ ຫລື​ລົ ງ​ເຮືອ​ຢູ່​ທ່າ​ວັດ​ຊຽງ​ທອງ​ນີ້.​ ແມ່ນ​ແຕ່​ເຈົ້າຊີວິດ​ຈະ​ໄປ ​ຫລື​ ກັບ​ ຈາກ​ຕ່າງປະ​ເທດ​ກໍ​ຕ້ອງ​ມາ​ຜ່ານ​ວັດ​ນີ້ (ຮັບ​ສູດ​ໄຊ​ຍັນ​ໂຕ) ຈິ່ງ​ຈະ​ອອກ​ເມືອງ ​ຫລື​ ກັບ​ເຂົ້າສູ່​ພະລາດ​ຊະ​ວັງ​ໄດ້ ​ແລະ ​ກໍ​ເປັນ​ທ່າ​ຂ້າມ​ໄປ​ສູ່​ເສັ້ນທາງ​ ລາວ-​ໄທ​ ໂດຍ​ຜ່ານ​ບ້ານ​ຊຽງ​ແມນ.ວັດ ​ຊຽງ​ທອງ​ນີ້ສ້າງ​ຂຶ້ນ​ໃນ​ປີ ຄ.ສ 1559-1560 ​ໃນ​ສະ​ໄຫມ​ການ​ປົກຄອງ​ຂອງ​ເຈົ້າຊີ ວິດ​ໄຊ​ເສດ​ຖາ​ທິລາດ ​ເພື່ອ​ເປັນ​ອານຸສອນ​ໃຫ້​ແກ່​ທ້າວ​ຈັນທະ​ພານິດ, ​ເຊິ່ງ​ເປັນ​ພໍ່ຄ້າ​ມາ​ແຕ່​ວຽງ​ຈັນ​ ແລະ ​ຕໍ່​ມາ​ກໍ​ໄດ້​ຂຶ້ນປົກຄອງ​ເມືອງ​ນີ້ ຕາມ​ນິທານ​ເກົ່າ​ເລົ່າ​ສືບ​ກັນ​ມາ​ແຕ່​ສະ​ໄຫມ​ກ່ອນ​ເຈົ້າຟ້າ​ງຸ່ມ.ເຫດຜົນ ​ທີ່​ພາ​ໃຫ້​ຊື່​ວັດ​ຊຽງ​ທອງ​ນັ້ນ ກໍ່​ມີ​ຫລາຍ​ເຫດຜົນ​ທີ່​ແຕກ​ຕ່າງ​ກັນ: ບາງ​ກໍ​ເວົ້າວ່າ​ຍ້ອນ​ມີ​ຕົ້ນທອງ​ໃຫຍ່​ ລວງ​ອູ້ມ 7ອູ້ມ​ ຫລື 7 ອ້ອມ ​ເທົ່າ​ກັບ10,50ມ, ສູງ160,50ມ. ຈຳນວນ​ໜຶ່ງ​ກໍ​ເວົ້າວ່າ​ເມືອງ​ຫລວງ​ພຣະບາງ​ເປັນ​ເມືອງ​ຫລວງ​ຂອງ​ອານາ​ຈັກ​ ລ້ານ​ຊ້າງ​ເຊິ່ງ​ເມື່ອ​ກ່ອນ​ເອີ້ນ​ວ່າ ອານາຈັກ​ສຸວັນນະ​ພູມ​ປະ​ເທດ, ຫລື​ ປະ​ເທດ​ທີ່​ອຸດົມສົມບູນ​ຮັ່ງມີ​ຈິ່ງ​ປ່ຽນຊື່​ຈາ​ກ ເມືອງ​ຊວາ​ ມາ​ເປັນ​ ຊຽງ​ທອງ ຫລື​ ເມືອງ​ທອງ(ຄໍາ) ​ແລະ​ເອົາ​ຊື່​ເມື​ອງ​ເປັນ​ຊື່​ວັດ​ເພື່ອ​ເປັນ​ອານຸສອນ​ໃຫ້​ແກ່​ເມືອງ​ນະ​ ບັດ​ນັ້ນມາ. ​ເມື່ອ​ຄ.ສ 1928​ເພິ່ນ​ໄດ້​ມີ​ການ​ບູລະນະ​ສ້ອມ​ແປງ​ຄືນ, ມີ​ການ​ເພີ່ມ​ສີສັນ​ດອກ​ດວງ​ຕາມ​ເບື້ອງຫລັງ​ສີມາ, ບານ​ປະຕູ​ປ່ອງຢ້ຽມ ​ແລະ ​ອື່ນໆອີກ​ຫລາຍ​ຢ່າງ. ບໍລິ​ເວນ​ວັດ​ນີ້ມີ​ຫລາຍ​ສິ່ງ​ຫລາຍ​ຢ່າງ​ທີ່​ໜ້າ​ສົນ​ໃຈ​ສົມ​ຄວນ​ແກ່​ການ​ ເບິ່ງ​ຊົມ​ເຊັ່ນ: ອາ​ຮາມ. ອູບ​ມຸງ​ພະພຸດທະ​ຮູບ​ຢືນ, ຫໍ​ໄຕ​ພະ​ໄສຍາດ, ຫໍ​ກອງ,​ໂຮງ​ມ້ຽນຣາດຊະ​ລົດ ​ແລະ ​ໂກດ.

 

 

 

รูปภาพของ ssspoonsak

ตรวจครั้งที่ 2

ให้ตรวจสอบว่ามีครบและถูกต้องหรือยัง

ส่งภายใน 31 ธันวาคม 2556

1. มีแบนเนอร์ทุกหน้า

2. หน้าแรกสวยงาม น่าสนใจ

3. เนื้อหา 10 หน้า 

4. ฟอนต์ถูกต้อง จัดสวยงาม

5. รูปภาพ upload ทุกรูป พร้อมอ้างอิงที่มาไว้ใต้รูป

6. QR Code

7. เส้นคั่นแต่ละหน้า

8. คลิปวีดิโอ

9. หน้าอ้างอิงที่มาข้อมูล

10. หน้าผู้จัดทำ 

รูปภาพของ ssspoonsak

ตรวจครั้งที่ 1

มหาวิทยาลัยศรีปทุม ผู้ใหญ่ใจดี
 

 ช่วยด้วยครับ
นักเรียนที่สร้างบล็อก กรุณาอย่า
คัดลอกข้อมูลจากเว็บอื่นทั้งหมด
ควรนำมาจากหลายๆ เว็บ แล้ววิเคราะห์ สังเคราะห์ และเขียนขึ้นใหม่
หากคัดลอกทั้งหมด จะถูกดำเนินคดี
ตามกฎหมายจากเจ้าของลิขสิทธิ์
มีโทษทั้งจำคุกและปรับในอัตราสูง

ช่วยกันนะครับ 
ไทยกู๊ดวิวจะได้อยู่นานๆ 
ไม่ถูกปิดเสียก่อน

ขอขอบคุณในความร่วมมือครับ

อ่านรายละเอียด

ด่วน...... ขณะนี้
พระราชบัญญัติลิขสิทธิ์ (ฉบับที่ 2) พ.ศ. 2558 
มีผลบังคับใช้แล้ว 
ขอให้นักเรียนและคุณครูที่ใช้งาน
เว็บ thaigoodview ในการส่งการบ้าน
ระมัดระวังการละเมิดลิขสิทธิ์ด้วย
อ่านรายละเอียดที่นี่ครับ

 

สมาชิกที่ออนไลน์

ขณะนี้มี สมาชิก 0 คน และ ผู้เยี่ยมชม 33 คน กำลังออนไลน์